Жогорку Кеңештин депутаттары инвестицияны тартуу жана коргоо боюнча президенттин алдындагы мамлекеттик орган түзүүнү сунушташууда. Мындай демилгени депутаттар Искендер Гайпкулов жана Нурбек Сылдыгалиев парламенттин сайтына жайгаштырышты.
Эл өкүлдөрү инвестицияны тартуу боюнча суроолорду президенттин институту түз чечүүсүн сунушташууда.
Азыркы учурда өлкөнүн экономикасына каржы тартуу боюнча инвестицияны алга жылдыруу жана коргоо боюнча агенттик иш алып барууда. Парламент бул мекемени эч кандай ийгиликке жетише элек деп билдиришүүдө. Ошондуктан президент Конституциянын кепили катары бул функцияны натыйжалуу чече алат деп ишенишет.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
