Кыргызстандын экономикасына же республикалык бюджетке 20 миллион сомдон ашык инвестиция салган инвесторлор жана жарандыгы жок адамдар 10 жылдык мөөнөткө виза алышат. Жогорку Кеңеште “Тышкы миграция жөнүндө” мыйзамга тиешелүү өзгөртүүлөр үчүнчү окууда кабыл алынды.

Ошондой эле өзгөртүүлөр 10 миллион сомдон кем эмес инвестиция салууга даяр инвесторлорго 5 жылдык мөөнөткө виза берүүнү карайт.

Белгилеп кетсек, учурда инвестициялык визанын мөөнөтү 3 жыл.

“Тышкы миграция жөнүндө” мыйзамга өзгөртүү киргизүү боюнча мыйзам долбоорунун авторлору – депутаттар Дастан Бекешев, Сейид Атамбаев, Жанар Акаев жана Эльвира Сурабалдиева.

“Бул өзгөртүүлөр натыйжа берер-бербесин азырынча билбейбиз, бирок аракет кылып көрөлү”, - деди Бекешев.