Ысык-Көл облусунун прокуратурасы тарабынан 3,48 гектар жерди жеке менчикке мыйзамсыз өткөрүп берүү фактысы аныкталды. Бул тууралуу Башкы прокуратуранын басма сөз кызматы билдирди.

Текшерүүнүн жүрүшүндө Ысык-Көл райондук соту 2015-жылдын 6-июлунда жайыттарга байланыштуу 3 млн 86 миң сомдук жер тилкесин жеке менчикке берүү жөнүндө мыйзамсыз чечим чыгаргандыгы аныкталды. 

Бул кыймылсыз мүлктү кайтарып берүү үчүн облустук прокуратура райондук соттун чечимин жокко чыгаруу өтүнүчү менен облустук сотко кайрылган. Апелляциялык сот прокурордун жообунун актысын толук канааттандырды.

Андан кийин прокуратуранын кийлигишүүсү менен белгиленген жер тилкеси мамлекеттин балансына кабыл алынган.