Кыргызстандын энергетика тармагында учурда абанын температурасынын төмөндөшүнө жана электр энергиясын керектөөнүн көбөйүшүнө байланыштуу оор кырдаал түзүлдү. Бул тууралуу энергетика министри Таалайбек Ибраев Жогорку Кеңештин жыйынында билдирди.

Анын айтымында, электр энергиясын өндүрүүнүн максималдуу жалпы кубаттуулугу 3356 мегаватты түзөт. Бул республикадагы жалпы генерациянын кубаттуулугу. Ошол эле учурда кечкисин керектөө 3740 мегаваттка жетүүдө. Ошентип, жетишпеген кубаттуулук 450–480 мегаватт болууда. 

“Жабдууларды үзгүлтүксүз иштетүү үчүн электр энергиясын үнөмдөө керек. Эгерде бул аткарылбаса, анда бул Кыргызстандын бүтүндөй энергетика системасында аварияларга алып келет”, - деди ал.

Оор кесепеттерди болтурбоо максатында саат 7.00дөн 16.30га чейин 250-300 МВт керектөөгө чектөөлөр киргизилүүдө. Башкача айтканда, бир абонентте 4-5 кВт саат бар.

“Республика боюнча 1,5 миллион абонент бар. Алардын ичинен 50 миңден 70 миңге чейинки абоненттерге гана чектөө киргизилет”, - деп баса белгиледи министр. - Кечинде 17.00дөн 24.00гө чейин максимум 450-470 мегаваттка чейин жетет. Кечинде электр энергиясын эң көп керектөө байкалат. Эгер болжол менен эсептеп көрсөңүз, анда бир абонентке 6-6,5 кВт/саат туура келет. Ошентип, кечинде 90 миңден 96 миңге чейин абонент чектөөгө кабылат”.

Энергетика министринин айтымында, электр жарыгы бир сааттан ашык эмес өчүрүлөт.
Министр ошондой эле, башка мамлекеттер дагы ушундай көйгөйлөргө туш болуп жаткандыгын белгиледи. Тактап айтканда, ал Өзбекстан менен Казакстанды мисал катары келтирди, анын айтымында, ички керектөөчүлөр үчүн 2,5 миң мегаватт жана 770 мегаваттка чейин чектөөлөр болууда.