COVID-19: Министрлер кабинети эч кандай чектөө киргизүүнү көздөбөйт

25.06.2021, 10:40 Акчабар
COVID-19: Министрлер кабинети эч кандай чектөө киргизүүнү көздөбөйт

Министрлер кабинети массалык иш чараларды өткөрүүгө тыюу салуудан башка эч кандай чектөөлөрдү киргизүүнү көздөгөн жок. Бул тууралуу мекеменин башчысы Улукбек Марипов кезексиз жыйында билдиргенин өкмөттүн басма сөз кызматы маалымдады.

Жыйындын жүрүшүндө өлкөдөгү эпидемиологиялык кырдаалды турукташтыруу маселеси каралып, саламаттык сактоо системасынын оорунун күчөөсүнө даярдыгы талкууланды.

Анда министрлер кабинетинин башчысы элге төмөнкүдөй кайрылуу жасады.

" Урматтуу жарандар, министрлер кабинети массалык иш чараларды токтотуудан башка эч кандай чектөөлөрдү киргизбейт. Ошол эле учурда ар бирибиз жакындарыбыз жана туугандарыбыздын алдындагы өзүбүздүн социалдык жоопкерчилигибизди сезүүбүз керек. Бул сиздердин пандемиянын алдын алуудагы кошкон салымыңыздар болот. Биз баарыбыз 2020-жылдагы июль айы кандай болгонун билебиз. Эч ким кайгылуу окуялардын кайталанышын каалабайт. Биздин баарыбыздан, эң жөнөкөй санитардык талаптарды аткарганыбыздан, башкалардын ден соолугу чың болот. Өзүңүздүн жана жакын адамдарыңыздын ден соолугу үчүн эл көп топтолгон жайлардан качып, той жана башка иш чараларга барууну чектеңиздер", - деди Улукбек Марипов.

Тэги: глава кабмина коронавирусная инфекция ограничения

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×