Кыргызстанда 2026-жылга чейин бизнести колдоо программасы кабыл алынды. Анда бизнести тейлөө моделине өтүү, башкача айтканда, салыктык текшерүүлөрдү кыскартуу, бажы инфраструктурасын санариптештирүү каралган, деп билдирет Экономика жана соода министрлиги.

Документ ошондой эле технологияны жана сергек атаандаштыкты өнүктүрүүгө көмөк көрсөтүү максатында интеллектуалдык менчик укуктарын коргоону камсыз кылууга багытталган.

Программада Кыргызстандын 2026-жылга чейин ишкер аялдар үчүн мыкты өлкөлөрдүн тизмесинде рейтингин жогорулатуу, ошондой эле аймактарда өзүн-өзү иш менен камсыз кылгандардын санын көбөйтүү камтылган.