Өлкөдө электр заряддоо станцияларынын инфраструктурасын өнүктүрүү жана электр транспортун колдонууну жайылтуу боюнча изилдөө жана сунуштарды иштеп чыгуу боюнча жумушчу топ түзүлдү. Бул тууралуу өкмөттүн басма сөз кызматы билдирди.

Ага ылайык, жумушчу топко бир айлык мөөнөттө электр заряддоо станцияларынын инфраструктурасын өнүктүрүү жана электр транспортун колдонууну кеңири жайылтуу боюнча тийиштүү иш-чаралардын планын иштеп чыгуу менен таанышып чыгуу жана сунуштарды иштеп чыгуу тапшырылды.

Жумушчу топтун курамына бир катар мамлекеттик органдардын жана коомдук уюмдардын кызматкерлери кирди.

Жумушчу топтун жетекчиси болуп президенттик аппараттын саясий-экономикалык изилдөөлөр бөлүмүнүн башчысы Алмаз Исанов дайындалды.