Март айында Кара-Балта шаарында жаңы гемодиализ борбору ачылат. Гемодиализ борборунан билдиришкендей, долбоорго салынган инвестиция 600 миң долларды түздү. 

Аталган борбордо бөйрөк терапиясы – гемодиализ кызматы көрсөтүлөт. Келечекте плазмаферез жана гемоперфузияны киргизүү пландалууда.

“Учурда оңдоо иштери аяктады. Майда косметикалык кемчиликтерди жоюу иштери жүрүп жатат, андан кийин жабдууларды жана эмеректерди орнотуу башталат”, - деп айтылат маалыматта.

Бейтаптар үчүн гемодиализ Саламаттык сактоо министрлигине караштуу Милдеттүү медициналык камсыздандыруу фондунун каражаттарынын эсебинен акысыз жүргүзүлөт.