Казакстан өкмөтү 35,6 миң жумуш ордун түзүүнү көздөп жатат. Алардын 20 миңи туруктуу болорун Эмгек жана калкты социалдык коргоо министри Серик Шапкеновго шилтеме берүү менен "Курсив" порталы жазды. 

Эмгек министрлигинин башчысы өз презентациясында мындай планды ишке ашырууга 702,5 миллион доллар бөлүнөөрүн, анын 468,4 доллары Улуттук банктын облигацияларынан, калган 234,1 миллион доллар мамлекеттик бюджеттен сарпталарын белгиледи.

Мындан тышкары, Эмгек министрлиги Казакстан Республикасында 64 жаңы мектеп, 13 саламаттык сактоо мекеме курууну көздөп жатат.

Казакстан Республикасынын Эмгек министрлиги өзүнүн жол картасын төрт блок боюнча ишке ашырат: калктын жашоо сапатын жакшыртуу, орто жана чакан бизнес үчүн каржылоонун жеткиликтүүлүгүн жогорулатуу, агроөнөр жай комплексин жана аймактарда бизнести өнүктүрүү.