Кийинки жылы Бишкекке автобус сатып алууга 4 млрд сомдон ашык бөлүнөт. Бул тууралуу Каржы министрлигинен билдиришти. 

Маалыматка ылайык, 2024-жылга карата республикалык бюджеттин долбоорунда автобустарды сатып алууга 4 миллиард 339 миллион сом каралды. 

Анын 1 млрд сому бажы пошлинасы катары төлөнөт. 

Белгилеп кетсек, ушул жылы автобус сатып алууга республикалык бюджеттен 4,5 миллиард сом бөлүнгөн.