Кыргызстандын компаниялары LuLu Group International тармагы менен кызматташууну түзүүдө

04.03.2022, 09:03 Акчабар
Кыргызстандын компаниялары LuLu Group International тармагы менен кызматташууну түзүүдө

Expo-2020 көргөзмөсү 3-мартта Кыргызстандын Соода-өнөр жай палатасы тарабынан Бириккен Араб Эмираттарындагы элчилиги жана Тышкы иштер министрлиги менен биргеликте уюштурулду.

КРнын Соода-өнөр жай палатасынын чакыруусу менен жолугушууга БАЭнин Соода-өнөр жай палаталарынын башкы катчысы Хумейд Бен Салем баш болуп, 7 эмираттын Соода-өнөр жай палаталарынын жетекчилери катышты.

Иш-чаранын жүрүшүндө тамак-аш жана жеңил өнөр-жайы, айыл-чарба, фармацевтика, туризм сыяктуу тармактардан Кыргызстандын алдыңкы компанияларынын өкүлдөрү БАЭнин эң ири соода-чекене тармактарынын бири болгон LuLu Group International компаниясынын өкүлдөрү менен жолугушту. Жолугушуу формалдуу эмес чөйрөдө өтүп, ар бир компания өзүнүн продукциясын тартуулап, үлгүлөрүн таратып, соода тармактын өкүлдөрү менен жекеме-жеке сүйлөшүүгө мүмкүнчүлүк болду.

Жолугушууну жыйынтыктап жатып, Хумейд Бен Салем кыргызстандык компанияларга алардын продукциясын жергиликтүү рынокто жылдырууга көмөктөшүүгө даярдыгын билдирди. Мындан тышкары, БАЭ менен Кыргызстандын Соода-өнөр жай палаталарынын башчылары эки тараптуу кызматташууну өркүндөтүү үчүн сунуштаган демилгелерин колдой турганын белгиледи.

“Жолугушуунун башкы максаты – ата мекендик компаниялардын LuLu Group International ири соода тармак менен кызматташуусун жөнгө салууга алгачкы кадамдарды таштоо, чекене тармактын талаптарын иликтөө жана БАЭнин Палаталарынын жетекчилеринен практикалык кеп-кеңештерди алуу болду”,- деп билдиришти КРнын Соода-өнөр жай палатасынан.

Жолугушуу “Ак-Сай Трэвел” компаниясынан Кыргызстандын туристтик потенциалын тартуулоо менен көшөгөсүн жапты.

Тэги: ОАЭ Дубай ЭКСПО-2020 ТПП КР бизнес

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×