КР финансы министрлигинин борбордук казынасынын берген маалыматына ылайык, 9-апрелге карата Саламаттык сактоо министрлигинин админстративдик эсебине 121 млн 839 миң сом топтолду. Бул тууралуу финансы министрлигинин сайтында маалымдалат.
Эске сала кетсек, финансы министрлиги өлкө аймагында коронавирустун жайылышын алдын алуу боюнча иш-чаралар үчүн атайын эсеп ачкан. Эсепке улуттук валютадан тышкары чет элдик валютадагы ыктыярдуу жана гранттык каражаттар кабыл алынат. Эсептин номери: 4402011000101373 жана мобилдик банкинг аркылуу дагы которсо болот.
Андан сырткары, финансы министрлигинин сайтында КР эмгек жана социалдык өнүктүрүү министрлигинин эсебине келип түшкөн сумма дагы жарыяланып турат.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
