Кыргызстан Андаш жана Талды-Булак алтын кендерин иштетүүгө ниеттенүүдө. Бул тууралуу министрлер кабинетинин төрагасы Акылбек Жапаров Коррупцияга каршы ишкер кеңешинин жыйынында билдирди.

Анын айтымында, жогорудагы иштер “Улуу көчмөндөрдүн мурасы” холдингинин ишмердүүлүгүнүн алкагында жүргүзүлөт.

“Кумтөр – коррупцияга каршы күрөштүн үлгүсү. Акча көп болгону менен президент элдин кызыкчылыгын биринчи орунга коё алды. Кыргызстан жер казынасын гана кайтарып берген жок, бизде техника, жабдуулар бар. Андаш, Талды-Булак сыяктуу кендерди өзүбүз иштетебиз. Алтыны бар өлкө кедей боло албайт. Алтын – бул акча”, - деди Жапаров.

Министрлер кабинетинин башчысы ошондой эле мамлекет бардык акча агымдарын көзөмөлдөй алышы керектигин белгиледи.