Ушул жылдын алты айында Кыргызстандын чет мамлекеттерден алынган кредиттер жана займдар боюнча пайыздарды төлөөгө кеткен чыгашасы кыскарды. Бул тууралуу Каржы министрлиги билдирди.

Алсак, 2021-жылдын январь-июнь айларында бул максаттарга мамлекеттик бюджеттен 2 миллиард 702,2 миллион сом бөлүнгөн болсо, быйылкы жылы 2 миллиард 498,2 миллион сом каралган. Ошентип, сумма 204 миллион сомго, же 7,55%га кыскарган.

Кошумчаласак, буга чейин “Акчабар” агенттиги мамлекеттик баалуу кагаздар боюнча пайыздарды төлөөгө Кыргызстан алты ай ичинде мамлекеттик бюджеттен 2 миллиард 821,6 миллион сом бөлгөнүн жазган.