Кувейт Кыргызстанга инвестицияларды тартууга даяр. Бул тууралуу Кувейт Улуттук Ассамблеясынын спикери Марзук Али Аль-Ганем  менен президент Сооронбай Жээнбеков менен болгон жолугушууда билинди. 

Жолугушууда мамлекет башчы Кыргызстан менен Кувейт мамлекетинин ортосундагы соода-экономикалык жана маданият-гуманитардык кызматташтыктын өсүп жаткандыгын белгиледи.

Ал «Ас-Сафа», «Ас-Салам» жана  «Ассанабил», кайрымдуулук фондторунун өлкөнүн стратегиялык - инфраструктура багытындагы долбоорлорду ишке ашыруудагы жана Баткен облусундагы жардамга муктаж 106 үй-бүлөгө, Кемин районундагы  100 үй-бүлөгө  салынган турак-жай үчүн  ыраазычылыгын билдирди. 

Президенттин мындай ой-пикирине Кувейт Улуттук Ассамблеясынын спикери Марзук Али Аль-Ганем ыраазычылыгын билдирип, Кыргызстанга инвестицияларды тартуу менен мындан аркы кызматташтыкты уланта берээрин билдирди.