БУУнун Башкы Ассамблеясынын 78-сессиясынын алкагында Тышкы иштер министри Жээнбек Кулубаев Бириккен Араб Эмираттарынын Тышкы иштер жана эл аралык кызматташтык министри Шейх Абдулла бин Заид Аль Нахайян менен жолукту. Бул тууралуу Тышкы иштер министрлигинен билдиришти. 

Маалыматка ылайык, президент Садыр Жапаровдун 2022-жылдын 31-октябрындагы БАЭге сапарынын жыйынтыгы боюнча макулдашууларды ишке ашыруу боюнча пикир алмашуу болду. Тараптар Кыргызстан менен БАЭ холдингинин Кыргызстандагы ишмердүүлүгүн тездетүүнү талкуулады. 

“Жээнбек Кулубаев БАЭнин тышкы иштер жана эл аралык кызматташтык министри шейх Аль Нахайянды Кыргызстанга келип кетүүгө чакырды”, - деп айтылат маалыматта.