Жыл сайын Кыргызстанга 120 мамлекеттен 1,5 млн. тоннадан ашык карантин товарлары келет. Бул тууралуу бүгүн, 8 – октябрда пресс-конференцияда Айыл-чарба министрлигинин Өсүмдүктөр карантин департаментинин директору Илич Марсбек уулу билдирди. 

Анын айтымында, 1,5 млн. тоннадан, 500-600 миң тонна ден-соолукка коркунучу бар товарлар келүүдө. Бажы биримдигине кирген соң, эл аралык соода көлөмүнүн көбөйүшү менен бирге карантин буюмдарынын келүүсүнө дагы шарт түзүүдө.  

«Азыр өлкөдө  3 мамлекеттин чек арасынын өткөрүү  пунктунда 15 фитосанитардык пункт иштейт, өсүмдүктөр карантини боюнча 4 фитосанитардык лаборатория иштейт. “2017 – жылы экспортко  3591 сертификат берилген, 2018 – жылы  4014 сертификат, 2019 – жылы – 30597 сертификат берилген», - деп билдирет.