Кыргызстандын Өзбекстанстандагы элчиси Муса Жаманбаев менен Өзбекстандын “Узтекстильпром” текстиль жана тигүү-трикотаж өнөр жай ишканаларынын ассоциациясынын төрагасы Илхом Хайдаров жолугушту. Бул тууралуу Кыргызстандын Ташкенттеги дипломатиялык өкүлчүлүгүнүн басма сөз кызматы билдирди.

Жолугушууда Кыргызстан менен Өзбекстандын текстиль тармагындагы кызматташтыгы талкууланды. 

“Тараптар эки тараптуу кыргыз-өзбек ар тараптуу стратегиялык өнөктөштүгүнүн жогорку деңгээлине канааттангандыгын билдиришти. Текстиль жана тигүү секторлорунда кызматташууну мындан ары чыңдоо боюнча биргелешкен чараларды иштеп чыгууга, учурдагы жана келечектеги долбоорлорду ишке ашырууга өзгөчө көңүл бурулду”, - деп айтылат маалыматта. 

Элчилик менен ассоциациянын активдүү өз ара аракеттенүүсүн улантуу боюнча макулдашылды. Кыргызстандын аймактарында текстиль кластерин жана биргелешкен ишканаларды ачуу белгиленди.