Ушул жылдын январь-апрель айларында Кыргызстандын ЕАЭБ өлкөлөрү менен соода жүгүртүүсү 2022-жылдын тиешелүү мезгилине салыштырмалуу 7,6%га кыскарды. Бул тууралуу Улуттук статистикалык комитеттин басма сөз кызматы билдирди.

Маалыматка ылайык, сооданын көлөмү 1 млрд. 126,6 млн. долларды түздү .Жалпы төмөндөөгө карабастан Кыргызстан менен Беларустун ортосундагы товар жүгүртүүнүн оң динамикасын белгилеп кетүү керек, ал 20,9%га көбөйүп, 27 млн. ​​911,6 миң долларды түздү.

Бул өсүш Беларусь өнүмдөрүнүн республикага импортунун өсүшү менен шартталган. Ошондой эле, Кыргызстандын Арменияга товар экспорту 55,2%га өскөн.