Кыргызстан мамлекеттик эки жылдык казына облигациялары боюнча 200 миллион сом карызын төлөдү. Бул тууралуу Улуттук банктын сайтында маалымдалды.

Бул эки жылдык мамлекеттик облигациялар 2020-жылдын 16-октябрында жайгаштырылган. Алардан киреше жылдык 7,5% түздү.

Кошумчалай кетсек, өлкөнүн казыналык милдеттенмелер боюнча ички карызы 20-октябрга карата 83 миллиард 500 миллион 589,8 миң сомду түзсө, анын 3 миллиард 156 миллион 239 миң сому эки жылдык облигацияларга туура келет.