Май айында апрелге салыштырмалуу Беларусь жана Арменияны кошпогондо, ЕАЭБге мүчө мамлекеттерде керектөө баалары жана тарифтери жогорулады. Бул тууралуу Улуттук статистикалык комитети билдирди. 

Маалыматка ылайык, Кыргызстанда баанын 0,9%га өсүшү азык-түлүк эмес товарлардын 2,3%га өсүшү менен байланыштуу. 

Ушул жылдын май айында 2022-жылдын декабрына салыштырмалуу экономиканын керектөө секторунда инфляциянын эң жогорку деңгээли Казакстанда катталды (4,8%), анда азык-түлүк баасы эң көп 5,6%га өскөн.

Ошол эле учурда, Кыргызстанда азык-түлүк эмес товарларга баалар максималдуу өскөн. Азык-түлүк эмес товарларга баалар 4,9%га жана калкка көрсөтүлгөн кызматтарга 5,2%га жогорулаган.