Ушул жылдын 24-мартына карата айыл чарба өсүмдүктөрүнүн зыянкечтерине, ооруларына жана отоо чөптөрүнө каршы күрөшүү үчүн 282,5 тонна пестициддер ташылып келинген, же камсыздоо 46%ды түзгөн. Бул тууралуу Айыл-чарба министрлигинен кабарлашты. 

Анын ичинен:

• үрөн ууландыргычтар – 29,9 тонна (камсыздоо 55 %);
• гербициддер – 126,5 тонна (камсыздоо 40 %);
• инсектициддер – 87,4 тонна (камсыздоо 46 %);
• фунгициддер – 38,7 тонна (камсыздоо 69 %) түздү.

Быйыл айыл чарба өсүмдүктөрүнүн зыянкечтерине, ооруларына жана отоо чөптөрүнө каршы күрөшүү үчүн жалпы 615,4 тонна өсүмдүктөрдү коргоо каражаттары (пестициддер) керектелет.  

“Анын ичинен үрөн ууландыргычтар – 54 тонна, гербициддер – 313,7 тонна, инсектициддер – 191,8 тонна, фунгициддер – 55,9 тонна”, - деп айтылат маалыматта.