30-июлга карата Кыргызстандын тышкы карызы 320 млрд 39.2 млн сомго жеткен. Ал эми ушул эле жылдын 30-июнуна карата карыздын көлөму - 312 млрд 64 млн сомду түзгөн. Бул бир ай ичинде мамлекеттик карыздын көлөмү 7 млрд 975.2 млн сомго өскөнүн билдирет. Мындай маалыматты республиканын финансы министрлиги берди. 

Кыргызстандын мамлекеттик карызы бир айда 7.5 млрд сомго өскөн

Бир ай ичинде карыздын көлөмүнүн өсүшүнүн себеби Кыргызстан Эл аралык өнүктүрүү ассоциациясынан +1 млрд 877 млн сом жана Кытайдын Экспорт-импорт банкынан +1 млрд 450.7 млн сом алганы менен байланыштуу. 

Белгилей кете туруучу нерсе, Кыргызстандын ички карызы үстүбүздөгү жылдын июль айынан июнь айына салыштырмалуу 470.6 млн сомго кыскарган.