Мамлекеттик ведомстволордон бюджеттин чыгашасы 5,9 млрд сомго кыскарды. Бул тууралуу финансы министри Бактыгүл Жеенбаева 12-майда бюджет жана финансы комитетинин жыйынында билдирди.
«Бюджеттин басымдуу бөлүгү Маданият министрлигинен кыскарды. Себеби, көптөгөн маданий жана спорт иш-чаралар токтотулду. Иш сапарлар, сатып алуулардын бардыгы токтотулду», - деп билдирди ал.
«Спорт тармагынан бюджетти 72% чейин кыскарттыңар. Демек бул спортту такыр эле чийип салган менен барабар болот. Спортчуларыбыз тышкы сынактарга катышууга лицензия алуу үчүн, кыскартууну 50% кылгыла», - деп сунуш киргизди депутат.
Андан сырткары жыйында вице-премьер-министр Эркин Асрандиев бизнеске 6-7% менен насыя берүү кийинки жумада башталарын кошумчалады.