Премьер-министр Улукбек Марипов өкмөттүн алдындагы Бизнести өнүктүрүү жана инвестициялар боюнча кеңештин жыйынын өткөрдү. Бул тууралуу өкмөттөн маалымдашты. 

Кыргызстанга 100 миң доллар инвестиция салган чет өлкөлүктөргө жарандык берүү сунушталууда

Жыйында өкмөт башчы инвестицияларды тартуу жана бизнести колдоо тармагында иштин ачык-айкын эрежелерин камсыздоо үчүн өкмөт бардык күч-аракеттерди жумшоого даярданып жаткандыгын билдирди. 

«Ченемдик укуктук документтерди жана ченем чыгаруу демилгелерин инвентаризациялоо, мамлекеттик органдар тарабынан текшерүүлөрдүн кыскартуу жана укук коргоо жана фискалдык органдар тарабынан бизнеске басым жасоолорду түп-тамырынан жоюу боюнча масштабдуу иштер жүрүүдө», - деди Улукбек Марипов. 

Маалым болгондой, жакын арада Коопсуздук Кеңештин жыйыны өтөт жана анда бизнести коргоо боюнча дагы маселелер көтөрүлөт.