Милдеттүү медициналык камсыздандыруу фонду тарабынан 2020-жылдын 1-кварталында Бирдиктүү салык төлөөчү системасында иштеген саламаттыкты сактоо уюмдарына 2 млрд 580 млн сом төлөндү. Бул тууралуу Республикалык штабдан кабарлашты.

Дүйнөлүк банк КР COVID-19 менен күрөшүүгө 21 млн $ ашык каражат бөлөт

Анын ичинен:

-медицина кызматкерлеринин эмгек акысын төлөөгө жана Соцфондго чегерүүлөргө – 2 122, 4 млн сом;

-дары-дармектерди жана медициналык багыттагы буюмдарды алуу, жеке коргонуу каражаттарын кошкондо – 266,9 млн сом;

-тамак-аш азыктарын алууга – 28,8 млн сом;

-коммуналдык кызматтарды төлөөгө жана 231 саламаттыкты сактоо уюмунун транспорттук чыгымдарына – 231,9 млн сом;

Андан тышкары, 37,5 миң гемодиализ сеансын көрсөтүү үчүн 176,4 млн сом төлөндү. Дарыканаларга жеңилдетилген рецепттер боюнча берилген дары-дармек каражаттары үчүн – 84,6 млн сом төлөндү.