Мамлекеттик облигациялардын эмиссиясы 1,3 млрд сомго көбөйөт

16.05.2022, 13:06 Акчабар
Мамлекеттик облигациялардын эмиссиясы 1,3 млрд сомго көбөйөт

Каржы министрлиги май айына карата мамлекеттик баалуу кагаздардын эмиссиясын кайра карап чыкты. Анын ичинде мекеме мамлекеттик казына облигацияларынын эмиссиясын 1 миллиард 280 миллион сомго көбөйтүүнү пландоодо.

Акыркы маалыматтар боюнча, Каржы министрлиги ушул жылдын май айында 2 миллиард 430 миллион сомдук облигацияларды чыгарууну пландап жатат, анда апрель айынын акырына карата облигациялардын келерки айга пландалган көлөмү 1 миллиард 150 миллион сомду түзөрү маалымдалган.


Өзгөртүүлөр мамлекеттик облигациялардын жүгүртүү шарттарына да таасирин тийгизди. Демек, бүгүн 3, 5, 7 жана 10 жылдык облигацияларды чыгаралса, 28-апрель 2, 5 жана 10 жылга пландаштырылган. Башкармалык 5 жана 10 жылдык облигациялардын эмиссиясын 200 миллион сомго көбөйтүү, ошондой эле 3 жана 7 жылдык мамлекеттик облигациялардын эсебинен бюджетке кошумча дээрлик 1,3 миллиард сом тартууну пландаштырууда.

“Акчабар” комментарий алуу үчүн Каржы министрлигине кайрылып, анда редакцияга ченемдик укуктук актыларга ылайык, министрлик эмитент катары мамлекеттик баалуу кагаздардын эмиссиясынын календарына өзгөртүүлөрдү киргизүүгө укуктуу экенин билдирди.

“Май айына бюджеттин ресурстук бөлүгүн толтуруу зарылчылыгына байланыштуу, бекитилген республикалык бюджеттин алкагында мамлекеттик бюджеттин эмиссиясынын календарына тиешелүү өзгөртүүлөр киргизилди”, - деп белгилешти министрликтен.

Тэги: Минфин гособлигации

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×