Каржы министрлиги июнь айына карата мамлекеттик казына облигацияларынын алдын ала көлөмүн жарыялады. Бул тууралуу Улуттук банктан билдиришти.

Алсак, сайтка 5 жана 7 жылдык ноталар жайгаштырылат. Жети жылдык мамлекеттик облигацияларды жайгаштыруу аркылуу Каржы министрлиги 1,5 млрд сом (купондук чен 7%) жана 5 жылдык облигацияларды 800 млн сом (купон 6%) тартууну пландаштырууда.

Эске салсак, май айынан бери мамлекеттик баалуу кагаздар Улуттук банкта гана эмес, Кыргыз фондулук биржасынын аянтында да жайгаштырылган. Июнь айында ал жерде 420 миллион сомго МКО жана МКВларды жайгаштыруу пландаштырылууда.