Эмгек жана социалдык коргоо министрлиги жакырчылык менен күрөшүүдө Кытайдын тажрыйбасын колдонууга ниеттенүүдө. Бул тууралуу министр Кудайберген Базарбаев Кытайдын Кыргызстандагы толук жана ыйгарым укуктуу элчиси Ду Дэвэнь менен болгон жолугушууда билдирди.

“Биздин министрлик Кытайдан келген кесиптештерибиз менен мамилени өнүктүрүүгө кызыктар. Биз Кытай менен жакырчылык менен күрөшүү темасында, ошондой эле Кытайдын социалдык саясатынын башка ийгиликтүү багыттары боюнча тажрыйба жана билим алмашуу мүмкүнчүлүгүн карап көргүбүз келет”, — деди Эмгек министрлигинин басма сөз кызматы.

Маалыматка ылайык, элчи Кудайберген Базарбаевди колдоп, министрликтин айтылган сунуштарын ишке ашыруу үчүн элчилик күч-аракетин жумшоого даяр экенин билдирди.

“Кытай акыркы 100 жылда жакырчылык менен активдүү күрөшүп келет, акыркы 10 жылда биз аны толугу менен жок кылууга жетиштик. Өкмөттүн аракеттеринин аркасында 2021-жылга чейин 800 миллиондон ашык кытай жакырчылыктан кутулат. Биз Кыргызстан менен өз билимибизди жана тажрыйбабызды бөлүшүүгө даярбыз”, - деди Ду Дэвэнь.