Саламаттык сактоо министрлиги окуу куралдарын сатып алууга тендер жарыялады. Маалымат мамлекеттик сатып алуулар сайтында жайгаштырылган.

Тендердин жалпы баасы 31 миллион 667 миң 825 сомду түзөт.

"Бул каражат Дүйнөлүк банктын баштапкы медициналык-санитардык жардамдын сапатын жакшыртуу программасынын алкагында Кыргыз мамлекеттик медициналык институтунун кайра даярдоо жана квалификациясын жогорулатуу боюнча симуляциялык борборлор үчүн окуу материалдарын жана башка жабдууларды сатып алууга жумшалат", - деп айтылат сайтта.