Жер жана суу транспорту башкармалыгы “Электрондук транспорттук көзөмөл” автоматташтырылган маалыматтык тутумун жыйынтыктоо боюнча кызмат көрсөтүүлөрдү сатып алууга тендер жарыялады. Бул тууралуу Мамлекеттик сатып алуулар сайтына жарыяланды. 

Тендердин баасы 7,8 миллион сомду түзөт. Аны аткарган тарап уруксат алуу үчүн арыздарды кароо бөлүгүндө “Электрондук транспорттук көзөмөл” автоматташтырылган маалымат тутумун аягына чыгарышы керек. Ал лицензиялар, чет мамлекеттердин аймактары аркылуу жүрүүгө уруксат бланктары жана көлөмдүү жана бөлүнгүс жүктөрдү ташуу үчүн атайын уруксаттарды камтыйт. 

Белгилей кетсек, “Электрондук транспорттук көзөмөл” автоматташтырылган маалыматтык системасы 2020-жылдын башында ишке киргизилген.