Каракол шаарын өнүктүрүүгө бюджеттен 850 млн сом бөлүнөт

13.05.2022, 17:29 Акчабар
Каракол шаарын өнүктүрүүгө бюджеттен 850 млн сом бөлүнөт

Министрлер кабинетинин төрагасы Акылбек Жапаров Каржы министрлигине Каракол шаарын өнүктүрүү долбоорунун биринчи этабын ишке ашырууга 850 млн сом бөлүүнү тапшырды, деп билдирди өкмөттүн басма сөз кызматы.

Акылбек Жапаров Ысык-Көл облусуна болгон иш сапарынын алкагында аймактарды өнүктүрүү программасын ишке ашырууда пилоттук шаар катары тандалган Каракол шаарынын өнүгүү программасы менен таанышты. Долбоор үчүн бюджеттен 2 миллиард сом каралган.

Каракол шаарын өнүктүрүү үч багытта жүргүзүлүп, анын ичинде муниципалдык базарды жана таштандыларды кайра иштетүүчү заводду куруу, шаардык инфраструктураны оңдоо, социалдык объектилерди жакшыртуу жана модернизациялоо кирет. Жалпысынан Караколду өнүктүрүү программасынын биринчи этабына жалпы суммасы 885 млн сомго 10 долбоор иштелип чыккан.

Долбоорлорду ишке ашыруу быйыл башталат.

Тэги: Каракол Акылбек Жапаров программа развития

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×