Азия өнүктүрүү банкы Кытайдын Сянси провинциясындагы айлана-чөйрөнү жакшыртуу жана жашыл экономиканы колдоо максатында 200 млн доллар насыя берет. Бул тууралуу эл аралык банктын басма сөз кызматы билдирет.
Жалпысынан долбоордун баасы 420.76 млн долларды түзөт. Анын ичинен 220.7 млн долларды Кытай бийлиги бөлүп берет. Банктан белгилеп кетишкендей, каражаттар канализация жана суу тутумдарын жакшыртууга багытталат.
Андан сырткары, Сянсидеги фермерлерге жер чарбасын өнүктүрүүгө жардам беришет. Азыр бул жакта химикалык каражаттар колдонгондуктан, түшүмдүүлүктүн көлөмү аз. Финансисттердин прогнозуна ылайык, долбоор 7 миң жаңы жумушчу орун түзгөңгө мүмкүндүк берет.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
