«Менин үйүм 2021-2026» мамлекеттик программасында ипотека насыясынын пайызы 4% га чейин төмөндөйт

25.05.2021, 13:00 Акчабар
«Менин үйүм 2021-2026» мамлекеттик программасында ипотека насыясынын пайызы 4% га чейин төмөндөйт

Кыргызстанда беш-алты жыл аралыгында "Менин үйүм 2021-2026" жаңы турак жай программасын ишке ашырууга кеминде 30 миллиард сом бөлүнөт. Бул тууралуу Мамлекеттик ипотекалык компаниянын башкармалыгынын төрайымы Аида Төлөгөнова маалымат жыйынынын жүрүшүндө билдирди.

Анын айтымында, программанын алкагында 800 миң чарчы метрге жакын жерге жеткиликтүү турак жай курулат.

"Менин үйүм 2021-2026" программасынын негизги багыттары:

  • жылдык ипотеканы 4% га чейин төмөндөтүү жолу менен мамлекеттик ипотекалык насыялоонун жеткиликтүүлүгүн жогорулатуу, ошондой эле кийинчерээк сатып алуу менен ижара турак жай механизмин иштеп чыгуу;
  • мамлекеттик ипотекалык турак жайды насыялоо секторуна кийин баалуу кагаздарды чыгаруу жана жайгаштыруу менен каражаттарды тартуу;
  • кийинчерээк өлкөнүн жарандарын камсыз кылуу үчүн өз турак жай фондун түзүү;
  • мамлекеттик ипотекалык турак жайды насыялоо секторуна инвестицияларды тартуу боюнча эл аралык донорлор менен иштөө.

Ошол эле учурда Төлөгөнова Кыргыз Республикасынын аймагында иштеген мигранттар программанын алкагында ипотекалык турак жайга ээ боло албай тургандыгын белгиледи.

"Ал Кыргызстандын жарандары үчүн гана жеткиликтүү болот. Келечекте талаптар кайра каралышы мүмкүн”, - деп кошумчалады Аида Төлөгөнова.

Тэги: доступное жилье госипотека Мой дом 2021-2026

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×