Акыркы маалыматтар боюнча, Каржы министрлигинин Борбордук казынасынын бирдиктүү казыналык эсебине жарандардан жана башка уюмдардан 70 миллион сомдон ашык акча которулду. Бул тууралуу каржы министринин орун басары Улан Даникеев билдирди.

Жалпысынан 1,3 миң транзакция жасалганы такталган.

Финансы министринин орун басары бүгүнкү күнгө чейин атайын эсептен түшкөн акчалар таратыла электигин белгиледи.

“Бул каражатты пайдалануу КР Президентинин Баткен облусундагы ыйгарым укуктуу өкүлүнүн аппараты тарабынан жүргүзүлүүдө”, - дейт Улан Даникеев.

Эске салсак, Тажикстан тараптан Кыргызстанга карата агрессия 14-сентябрда башталган.