Ушул жылдын аягына карата инфляция өткөн жылдын декабрынан декабрына чейинки мезгилде болжол менен 15,5%, орточо жылдык инфляция 14% түзөт. Улуттук банк мындай баалоосун жалпы баалардын өсүү темпине карап берет. Бул баалоо үч чейрек бою өзгөртүлгөн жок.

Кыргызстандын акча-кредит саясатынын буга чейинки отчету кайра каралып чыгып, салыштырмалуу түрдө болжолдонгон инфляция 2023-жылга карата көтөрүлгөн.   

“Жылдык инфляция 9,6% деңгээлинде күтүлүүдө. Инфляциянын деңгээли орто мөөнөттүү максаттуу көрсөткүчкө кайтып келиши жакынкы бир жылда ишке ашпайт,- деп жазат Улуттук банк. 

Маалым болгондой, учурдагы болжолдоого 2023-жылы алкоголдук ичимдиктерге жана тамеки заттарына акциздик салыктын көбөйүшү, ири шаарларда мүмкүн болгон коомдук транспорт тарифтеринин жогорулашы, ошондой эле электр энергиясы, ысык суу жана жылытуунун мурда жылдырылып келген тарифтеринин жогорулашы камтылган. 

“Быйыл акча агрегаттарынын салыштырмалуу жогорку өсүшү кошумча инфляцияны түзөт. Быйыл экинчи чейректен тарта Кыргызстанга чет өлкөлүк жарандардын агымынын көбөйүшүнүн натыйжасында ички суроо-талаптын өсүшүнө байланыштуу инфляциялык тобокелдиктин болушун белгилей кетүү керек. Эгерде калктын керектөөсү болжолдонгон мезгилде салыштырмалуу жогорку деңгээлде кала берсе, бул товарларга жана кызмат көрсөтүүлөргө баалардын кошумча өсүшүнө түздөн-түз таасирин тийгизет”, - деп корутундулады жөнгө салуучу орган.