Улуттук банк кыргыз алтыны кайда сатылып жатканы тууралуу маалыматты ачыктай албасын билдирди.

Кыргыз Республикасынын Улуттук банкында белгиленгендей, Улуттук банктын баалуу металлдар менен операциялары жөнүндө маалыматтар Кыргыз Республикасынын мыйзамдары менен таркатылышы чектелген купуя маалымат катары классификацияланат.

“Мындай маалыматты ачыкка чыгаруу үчүн жоопкерчилик каралган, андыктан толук маалымат берүү мүмкүн эмес”, — деп билдирди Улуттук банк.

Мындан тышкары, жөнгө салуучу орган Улуттук банк тарабынан ички рынокто “Кыргызалтын” ААКтан сатып алынган алтындын баары эле сатылбай, айрымдары Улуттук банктын сактагычында сакталып турганын белгиледи.