Улуттук банк коммерциялык банктардын бирине насыя келишимдери боюнча милдеттенмелерди өз убагында аткарбаганы үчүн насыя алуучулардан туумдарды өндүрүп алганы үчүн айып пул салганын билдирди.

"COVID-19 пандемиясына байланыштуу финансылык-кредиттик уюмдардын ишин жөнгө салуунун убактылуу эрежелери жөнүндө" жарлыкка ылайык, коммерциялык банктарга айып санкцияларын, анын ичинде насыялык келишимдер боюнча милдеттенмелерди аткарбаганы үчүн карыз алуучуларга айып салууга жана өндүрүп алууга тыюу салынат.

Көзөмөлдөөчү орган коммерциялык банк жөнүндө, ошондой эле айып пулдун өлчөмү жөнүндө толук маалымат берген жок.