Чолпон-Ата шаарында УКМКнын жана Ысык-Көл облусунун ички иштер башкармалыгынын кызматкерлери тарабынан Чолпон-Ата шаардык электр тармактарынын башчысы тарабынан криптовалютаны өндүрүү үчүн майнинг-ферма уюштуруу фактысы аныкталды. Бул тууралуу аталган башкармалыктын басма сөз кызматы билдирди.

Маалыматка ылайык, Ысык-Көл райондук сотунун 7-декабрдагы токтомунун негизинде иликтөө иш-чаралары жүргүзүлгөн. Анын алкагында майнинг-ферма электр эсептегичти айланып туташтырылгандыктан, электр энергиясын бир топ көлөмдө уурдоо фактысы аныкталды.

Белгилеп кетсек, ал адам узак убакыт бою Чолпон-Ата РЭСте ар кандай кызматтарда иштеп, 8-декабрдан тарта аталган мекеменин башчысы болуп дайындалган.