Быйыл бюджеттин салыктык эмес кирешелери бекитилген план боюнча 43,5 млрд сомду түзөт. Бул тууралуу Каржы министрлиги билдирди.

Анын ичинде эң көп салыктык эмес киреше берилген бюджеттик ссудалар жана насыялар боюнча пайыздар - 1 493,1 млн сом, акциялардын мамлекеттик пакетине кошуп эсептелген дивиденддер - 3 200,0 млн сом, Улуттук банктын кирешеси - 5 000 млн сом болору күтүлүүдө. Ошондой эле, төмөнкүдөй салыктык эмес кирешелер пландалууда;

• мамлекеттик жана муниципалдык ишканалардын пайдасы-100,0 млн. сом;
• пайдалуу казындылардын кендерин жана казылып алынуучу отунду пайдалануу үчүн жыйымдар-351,4 млн. сом;
• жаратылыш ресурстарын пайдалануу үчүн жыйымдар жана төлөмдөр - 1 679,8 млн. сом;
• айлана-чөйрөнү булгагандык үчүн жыйым-257,0 млн. сом;
• мүлктүн ижарасы үчүн төлөм – 1 187,6 млн. сом;
• төлөмдөр-1 152,6 млн. сом;
• мамлекеттик алымдар-841,6 млн. сом;
• жыйымдар-756,6 млн. сом;
• акы төлөнүүчү кызмат көрсөтүүлөрдөн түшүүлөр - 21 432,4 млн. сом;
• айыптар, туумдар, санкциялар жана конфискациялар - 1 900,0 млн. сом;
• юридикалык жактардан учурдагы жардам-0,4 млн. сом;