Быйылкы жылдын январь-февраль айларында Кыргызстандагы банктар тарабынан берилген жаңы кредиттердин көлөмү 43,3%га өстү. Бул тууралуу Евразия өнүктүрүү банкынын басма сөз кызматы билдирди.

Кредиттөөнүн өсүшү соода жана керектөө секторлорунда топтолгон, алардын ар биринде көрсөткүч 59,7%га өскөн.

Ошол эле учурда өнөр жай жана курулуш секторлорунун ишканаларына жаңы банк кредиттеринин көлөмү тиешелүүлүгүнө жараша 18,2% жана 45,9%га кыскарган.

Жалпысынан февраль айында жаңы кредиттер боюнча орточо салмактанып алынган чен 16,3%ды түздү, бул январь айына салыштырмалуу 0,8 пайыздык пунктка төмөн.