Өткөн 2022-жылы Кыргыз фондулук биржасында акциялар жана облигациялар соодасынын жалпы көлөмү 17 миллиард 834 миллион 318,4 миң сомду түздү.

Жалпысынан 2 миң 11 бүтүм жүргүзүлүп, анын жыйынтыгында 460 миллион 100 миң 178 баалуу кагаз сатылган. Сооданын көпчүлүк бөлүгүн, 94,4%ын биринчилик рынок ээлеп, анын көлөмү жыл ичинде 16 млрд 829 млн 219 миң сомду түзгөн. 

Биринчилик рыноктогу сооданын эң чоң көлөмү август айында катталып, анын жалпы баасы 3 млрд 907 млн ​​370 миң сом болгон. Бүтүмдөр негизинен корпоративдик баалуу кагаздар менен катталган. Бир бүтүм мамлекеттик баалуу кагаздарды сатуу бөлүмүндө жүргүзүлгөн.

Сооданын негизги үлүшүн “Айыл Банк” (700 млн. сомго акциялардын 18-чыгарылышы), Мамлекеттик ипотекалык компания (1,8 млрд. сомго акциялардын 13-чыгарылышы), “Ишкердикти өнүктүрүү фонду” (акциялардын кошумча эмиссияларын жайгаштыруу боюнча бүтүмдөр ээлеген. Акциялардын 2-чыгарылышы 100 миллионго), “РСК Банк” (23-чыгарылышы 1 млрд. акция) жана Туризмди өнүктүрүүнү колдоо фонду (300 млн. акциянын 5-чыгарылышы) ээлешкен.