Доллардын официалдуу курсу болгону 0.09% төмөндөп, 83.9 сомду түздү. Евро тескерисинче, 0.72% жогорулап, азыр 98.6 сом менен сатылууда. Бул тууралуу Улуттук банк маалымдады. 

Андан сырткары, сомдун рублга карата наркы 1.88% төмөндөдү. 

Бул убакыт аралыгында коммерциялык банктарда доллар кайрадан 84.1-84.2 сом менен, евро - 99-99.5 сом менен сатылууда. 

Өз кезегинде орусия рублунун наркы долларга карата бекемделген. Азыркы учурда Москва биржасында 1 доллар - 77 рублга, 1 евро - 91.7 рублга сатылууда. Россиянын Борбордук банкы берген маалыматка ылайык, доллар 78.5 рубль, евро — 92.1 рубль менен сатылып жатат. 

Мунайга болгон баанын саны жогорулады. Азыр Brent маркасындагы мунайдын бир баррелге болгон баасы 41.2 долларды, WTI —39 долларды түзүүдө.