Улуттук банктын маалыматына ылайык, 2021-жылдын экинчи кварталынын аягында 23 коммерциялык банктын төлөнгөн уставдык капиталынын жалпы суммасы 34 миллиард 265 миллион сомду түздү, бул ушул жылдын биринчи чейрегине салыштырмалуу 310,6 миллион сомго көп. 

Өзгөртүүлөр үч коммерциялык банктын, тактап айтканда "Бакай банк", "Кыргызстан" коммерциялык банкында" жана "Толубай" банктын уставдык капиталынын көбөйүшүнө байланыштуу болду.

Бул банктардын төлөнгөн уставдык капиталынын өсүшү 312,5 миллион сомду түздү. Ошол эле учурда KICB капиталынын 2 миллион сомго азайышы байкалган.