Ош облусунун Кара-Суу районундагы Нариман айылына караган айланма жолду оңдоо иштери башталды. Бул тууралуу “Акчабарга” Транспорт жана коммуникация министрлигинин Ош облусундагы жол тейлөө мекемесинен билдиришти.

Маалыматка ылайык, Ош - Кара-Суу жолундагы беш чакырым жол октябрь айынын ортосунда толугу менен оңдолуп бүтөт. Учурда асфальтто иштери башталды. Быйылкы жылы жолдун беш чакырымын оңдоого 170 миллион сом бөлүнгөн.

Айланма жол аркылуу Ош - Кара-Суу жана Ош - Жалал-Абад каттамдары өтөт. Буга чейин бул жол аркылуу маршруттук каттамдардын жүрүүсүнө бир топ ыңгайсыздыктар жаралып келген.