Ош шаарында айланма жөө өтмөк курулду. Бул тууралуу шаардык мэриядан билдиришти. 

Маалыматка ылайык, өтмөктүн негизги конструкциясы бүткөн. Шаар тургундары жана конокторуна, өтмөк аркылуу жүрүүгө уруксат берилди. 

Эске салсак, ушул жылдын май айынан тарта Ош шаарынын Масалиев жана Навои көчөлөрүнүн кесилишинде жөө адамдар өтүүчү өтмөк курулуп баштаган. 

“Жөө адамдар өтүүчү көпүрөнү курууга 45 млн сом бөлүнүп, 31-августка чейин бүткөрүү пландалган”, - деп айтылат маалыматта.