Жалал-Абад облусунун айрым район-шаарларында Евразия экономикалык биримдигине мүчө мамлекеттерге товар экспорту нөлгө түштү. Бул тууралуу Улуттук статистикалык комитеттен маалым болду.

Ушул жылдын январынан августуна чейин Ала-Бука, Базар-Коргон, Ноокен, Аксы, Токтогул райондорунун жана Кочкор-Ата жана Таш-Көмүр шаарларынын өндүрүүчүлөрү ЕАЭБге эч нерсе жеткиришкен эмес.

Белгилей кетсек, 2020-жылдын ушул мезгилинде Жалал-Абад облусунун бул райондору жана шаарлары биримдиктеги өлкөлөргө 66 миллион 764,4 миң долларга же жалпы көлөмдүн 77 пайызына товар экспорттогон. Бул алардын ЕАЭБге экспорттун үлүшүндө алдыңкы ролду ойногонун айгинелейт.

"Жалал-Абад облусунун ЕАЭБге экспорту ушул жылдын сегиз айында 11,5 миллион долларга бааланган, 2020-жылдын январь-августунда 86,6 миллион доллар болгон. Төмөндөө 86,7%ды түздү ”, - деп айтылат Улуттук статистиканын отчетунда.