Пенсионерлер мамлекеттик дарыканалардан дарыларды жеке дарыканаларга караганда 60-70% арзан сатып ала алат. Бул тууралуу Саламаттыкты сактоо министринин орун басары Медербек Исмаилов Жогорку Кеңештин жыйынында билдирди.

Анын айтымында, учурда министрлик пенсионерлерге мамлекеттик дарыканалардан дары-дармек сатып алууда кошумча жеңилдиктерди киргизүүнүн үстүндө иштеп жатат.

Эскерте кетсек, мамлекеттик дарыканаларда маанилүү дарылардын тизмесине кирген 800дөн ашык дары-дармектердин түрү бар, аларды калк жеке дарыканаларга караганда 10-15% арзан сатып алат.