Өткөн 2022-жылдын 30-декабрына карата “Айыл чарбасын каржылоо – 10” долбоорунун үч категориясы боюнча жалпы суммасы 4 миллиард 744 миллион 777 миң сомго 8 миң 335 насыя берилди. Бул тууралуу Айыл чарба министрлиги билдирди.

Ага ылайык, “Өсүмдүк өстүрүү” категориясы боюнча жалпы суммасы 1 миллиард 210 миллион 775 миң сомго 2 миң 939 насыя берилген. 

“Мал чарбачылыгы” категориясы боюнча жалпысынан 2 миллиард 438 миллион 855 миң сомдук 5 миң 21 насыя берилген.

“Айыл чарба азыктарын кайра иштетүү” категориясы боюнча жалпы суммасы 1 млрд 125 млн 147 миң сомду түзгөн 375 насыя берилди.