Экономика жана соода министрлигинде эки өлкөнүн ортосундагы экономикалык кызматташтыкты кеңейтүү жана эки тараптуу мамилелерди чыңдоо үчүн жагымдуу шарттарды түзүү максатында Министрлеркабинети мененкыргыз-өзбек өнүктүрүү фондунун ортосунда макулдашууга кол коюлду.

Макулдашууга Экономика жана коммерция министринин орун басары Канат Абдрахманов менен кыргыз-өзбек өнүктүрүү фондунун төрагасы Азиз Аалиев кол коюшту.

Уставга ылайык фондду башкарууну кеңеш жана башкарма ишке ашырат.

Фонддун башкармалыгынын курамына Кыргыз Республикасынан эки өкүл жана Өзбекстан Республикасынан үч өкүл, башкармалыкка Өзбекстан Республикасынан эки өкүл жана Кыргыз Республикасынан үч өкүл кирет.

Мекеменин орто мөөнөттүү мезгилге стратегиялык максаты болуп фонддун финансылык туруктуу жана стабилдүү ишмердүүлүгүн камсыз кылуу шартында экономиканын тармактарын узак мөөнөттүү каржылоо жана эксперттик колдоо саналат.